ពិធីដាំដើមឈើ និងចែកសម្ភារៈសិក្សា

កាលពីថ្ងៃអាទិត្យ ១២រោច ខែជេស្ឋ ឆ្នាំច សំរឹទ្ធិស័ក ពុទ្ធសករាជ២៥៦២
ត្រូវនឹងថ្ងៃទី១០ ខែមិថុនា ឆ្នាំ២០១៨
នៅវត្តថ្មីគ្រើល ភូមិបន្ទាបុស្ស ឃុំអន្សោង ស្រុកកំពង់ត្របែក ខេត្តព្រៃវែង
បានប្រារព្ធពិធីដាំដើមឈើ និងចែកសម្ភារៈសិក្សាដល់សិស្សានុសិស្សសាលាបឋមសិក្សាគ្រើល។
ដោយមានការចូលរួមអំពីសប្បុរសជន មាន

-លោកសាស្ត្រាចារ្យ កែវ​ឈា​ ព្រឹទ្ធបុរសសាលាតេជោសែន នៃកិច្ចការរដ្ឋាភិបាល និងទំនាក់ទំនងអន្តរជាតិ និងលោកជំទាវ
-លោកសាស្ត្រាចារ្យ Din Merican ព្រឹទ្ធបុរសរងសាលាតេជោសែន នៃកិច្ចការរដ្ឋាភិបាល និងទំនាក់ទំនងអន្តរជាតិ
-លោកសាស្ត្រាចារ្យ បណ្ឌិត ទួន យ៉ាត និងភរិយា ព្រមទាំងបុត្រ និងមិត្តភក្កិ
-លោកមេធាវី ចាន់ ហឿន តំណាងមេធាវីជំនាន់១០ និងភរិយា ព្រមទាំងបុត្រ និងមិត្តភក្កិ
-លោកមេភូមិ
-សប្បុរសជននានា
-លោកនាយក នាយករង លោកគ្រូអ្នកគ្រូ សិស្សានុសិស្ស សាលាបឋមសិក្សាគ្រើល។

ក្រោយពីការអញ្ជើញមកដល់របស់សប្បុរសជន និងអ្នកចូលរួម
លោកសាស្ត្រាចារ្យ ទួន យ៉ាត បានឡើងប្រកាសហេតុអំពីព្រះពុទ្ធសាសនា និងបរិស្ថាន។

លោកមេធាវី​ ចាន់ ហឿន តំណាងមេធាវីជំនាន់១០ ដើម្បីមនុស្សធម៌
តំណាងព្រះគ្រូចៅអធិការវត្តថ្មីគ្រើល និង ពុទ្ធបរិស័ទចំណុះជើងវត្ត
មានមតិស្វាគមន៍ ថ្លែងអំណរគុណ អានឈ្មោះសប្បុរសជន និងអ្នកចូលរួមទាំងអស់។

បន្ទាប់មក​ លោកសាស្ត្រាចារ្យ កែវ​ ​ឈា​ ព្រឹទ្ធបុរសសាលាតេជោសែន នៃកិច្ចការរដ្ឋាភិបាល
និងទំនាក់ទំនងអន្តរជាតិ តំណាងអ្នកផ្ដើមគំរោង មានមតិសំណេះសំណាល។

លោកសាស្ត្រាចារ្យ Din Merican ព្រឹទ្ធបុរសរងសាលាតេជោសែន នៃកិច្ចការរដ្ឋាភិបាល
និងទំនាក់ទំនងអន្តរជាតិ តំណាងសប្បុរសជន បង្ហាញនូវចំណាប់អារម្មណ៍។

លោក យ៉ា ឡឹង និងលោក សាយ ស៊ីណា តំណាងសប្បុរសជនក៏បានមានចំណាប់អារម្មណ៍ក្នុងពិធីនេះដែរ។

បន្ទាប់មកសប្បុរសជនបានប្រគេនកូនឈើចម្ពោះព្រះសង្ឃជានិមិត្តរូប ព្រមទាំងបានចែកនូវសម្ភារៈសិក្សា
ជូនដល់លោកគ្រូ អ្នកគ្រូ សិស្សានុសិស្ស ព្រមទាំងចូលរួមដាំដើមឈើដោយសេចក្ដីសោមនស្ស រីករាយ។
ក្នុងឱកាសនោះដែរ សប្បុរសជនទាំងអស់បានរួបរួមទុកដាក់បច្ច័យ ៨០៦០០០០រៀលសម្រាប់វត្តផងដែរ។

ពិធីនេះសរបញ្ជាក់ឱ្យឃើញអំពីការចូលរួមរបស់ព្រះពុទ្ធសាសនា និងក្នុងនាមជាពលរដ្ឋរបស់ប្រទេសមានចក្ខុវិស័យវែងឆ្ងាយក្នុងការយកចិត្តទុកដាក់ថែរក្សាបរិស្ថានព្រៃឈើ ព្រោះថាព្រៃឈើផ្ដល់នូវអត្ថប្រយោជន៍ជាច្រើនដល់មនុស្សសត្វនិងភពផែនដីយើង។